Шымкент түрмесінде сотталған азамат жұмбақ жағдайда қаза тапты, деп хабарлайды Qazyr.kz порталы.
Сотталушының жасы 37-де болған. Қаза болған азаматтың туыстары түрмедегі қызметкерлерді айыптап отыр.
Қаза тапқан азамат осыдан бір ай бұрын бопсалау бабымен үш жарым жылға сотталған. Сол уақыттан бері, асқазан ауруымен ауырған. Бес рет дәрігерлер көмегіне жүгінген. Соңғы рет 3 қыркүйекте ауруханаға түсіп, қайтыс болған. Бірақ туыстары бұл ақпаратқа сенбей отыр.
Айта кетейік, марқұмның артында үш баласы мен әйелі қалды.
