Вьетнамда «Яги» тайфуны құрбандарының саны артып келеді, деп хабарлайды Qazyr.kz порталы.
Билік 233 адамның қайтыс болғанын растады. 800 адам жарақат алды. Тағы 103 адам із-түзсіз жоғалғандар тізімінде.
Олардың жартысына жуығы – Лаокай провинциясындағы қиранды, қоқыс тауларына айналып кеткен Ланг Ну кентінің тұрғындары. Онда дауылдан болған нөсер жауын салдарынан жергілікті өзендер арнасынан асып, көшкін орын алды.
Тірі қалғандарды іздеуге 500-ге жуық құтқарушы жұмылдырылды. Бірақ зардап шеккен аймаққа ауыр техниканы жеткізу мүмкін емес: жолдар жабылған немесе шайылған.
