Түркістан облысында ірі жол апатынан 9 адам қаза тауып, 13 адам ауруханаға түсті.
Түркістан облыстық полиция департаментінің мәліметінше, жол апаты 17 шілде күні сағат 09:00 шамасында Шаян ауылы маңында болған.
Облыстық маңызы бар Екпінді-Созақ тасжолы бойында Nissan, Toyota Camry және Volkswagen Grafter автокөліктері соқтығысқан. Апат салдарынан көлік құралдары өртенген.
Жол апаты салдарынан 9 адам қайтыс болып, 13 адам ауруханаға жеткізілген. Екі адам медициналық көмектен бас тартқан.
Алдын ала мәліметтер бойынша, Nissan автокөлігі қарсы бағытқа шығып кеткен.
Оқиғаның қалай болғаны жайында анықталуда.
Дереккөз:Nur.kz
