Ұлыбритания премьер-министрі Кир Стармер биыл Украинаға бұрынғыдан да көп әскери көмек бөлінетінін мәлімдеді.
«Біз бәріміз соғысты тоқтатуға тырысамыз. Бірақ шындық сол – бейбітшілік күш арқылы келеді. Украина қорғанысын қолдау үшін барымызды салуымыз керек. Бұл – алдыңғы шепті тұрақтандыру, қажетті әскери техникамен және дайындықпен қамтамасыз ету деген сөз. Сондықтан Ұлыбритания биыл Украинаға бұрынғыдан да ауқымды әскери көмек көрсетеді», – деді Стармер.
Оның айтуынша, Ұлыбритания Украина қарулы күштерін қару-жарақпен және әскери дайындықпен қамтамасыз етуді жалғастырады. Бұл қадам Киевтің қорғаныс қабілетін күшейтуге және соғыстағы жағдайын тұрақтандыруға бағытталған.
