Елімізде жанар-жағармай бағасының қымбаттауы көлік қызметтерінің тарифіне әсер ете ме? Бұл сұрақ Үкіметте өткен брифингте Көлік министрі Марат Қарабаевқа қойылды.Бұны Qazyr.kz хабарлайды.
Министрдің мәлімдеуінше, ұшақ билеттерінің бағасы өзгермейді, себебі әуе отыны бұрыннан нарықтық бағамен сатылады. Ал теміржол билеттерінің құны мемлекет тарапынан реттелетіндіктен, пойыз билетінің қымбаттауы қарастырылып отырған жоқ.
Такси қызметіне келер болсақ, бұл саладағы бағаны нарық анықтайды. Сондықтан жанармайдың қымбаттауы такси тарифіне әсер етуі мүмкін. Алайда бұл мәселе тек жанармай құнына емес, жалпы сұраныс пен нарықтық жағдайға да байланысты болмақ.
